الأربعاء، 26 نوفمبر 2008

عفريت أمريكانى غلط غلطة وراجع تانى

ابو العفاريت قال لأبنه العفريت :-
روح يا ابنى وشوف لى احوال الدنيا علشان نعرف نملا البلاد بودرة عفاريت ونسود بنى البشر ونصبح ملوك على الزمان ده من تانى . اصلنا من بعد سليمان مسودناش تانى معرفناش نخرج من القمقم بعد ما اولاد آدم عرفوا سر حبسنا وحرقنا والخلاص مننا .
يا إبنى إحذز.....
لحسن جاء للناس نور من بعد موسى و عيسى ومحمد . عرفوهم سر التعامل مع العفاريت و يعنى إيه كلمة إيمان .
ياا بنى احذر ...
لما تروح على الشرق إن البلاد هناك مليانة مساجد وكنائس ومعابد للعبادة وناس على الايمان و الصبر لهم ارادة......
ياا بنى احذر..
لان فى كل مكان هتلاقى ذكر الله والجلال والتقوى وهتسمع وصيات التوراه وتراتيل الانجيل وتلاوة القرآن..
ياا بنى إحذر...
القوة الموجودة فى عقل البشر بعد الرسالات والتكبيرات ال بتزلزل الجبال ....
يابنى إعمل معروف...
عاوزك تطوف وتشوف وتعود سليم دى مهمة صعبة عليك .
وطار عفروتو.... بالوصايا الى بلاد الشرق ومعاه كل الاسلحة لانه علم من ابوه ان الشرق محصن بدعائم ولا الخيال فى عالم الجان .
هبط على افريقيا وجال البلاد شرق وغرب شمال وجنوب فحس إنه تاه . هرش فى راسة وقال ... ايه دة ياعفركوش.. انت غلط ورجعت أمريكا تانى ولا ايه .......
الرجالة عضلات منفوخة على الفاضى وبدى مشلوح وبنطلون قص ولزق... ياولاد الجنية حتى موضة الشعر اخدوها من عالم الجنية شعر أخضر وأصفر وأحمر وواقف من غير داعى . وستات على كل لون يا عفروتو .... عيون زجاج أزرق وأخضر وشعر أصفر وأحمر على سمرة خمرى في جمالها ماكنتش تلاقى . يا خسارة يا عفروتو كنت فاكر انى هشوف الجمال العربى من تانى ولكنى لقيت تقليد امريكانى حاجة ملل .
ركبوا مناخير ونفخوا شفايف وشفطوا ونفخوا لحد ما غيروا الاصول وبدلوا الصور فى ثوانى كل دة علشان الكل يكون شبه الامريكانى . قولت...... يمكن ياواد يا جن انك غلط ونزلت أمريكا تانى . فطرت على أسيا لقيت الوضع هو هو الى في افريقيا . قولت ياولد ..إسمعهم يمكن تميزهم ..
سلكت ودانى واطلقت إشعاعى أجول الشرق وانا واقف مكانى فحسيت انى مش غريب ولا كأنى فى أرض غربة .. سمعت رقص وهجص وجو هتقص .. ولقيت في إيديهم أختراع العفاريت لسة ماوصلوش اليه اسمه موبايل حرامى فلوس من غير ماتحس ينفض جيوبك . فكلمت ابويا على حساب بنى الانسان لأنى مش اهبل ادفع فلوسى فى الهوا وقلتلة .....
اية يا ابو العفاريت.... انا جيت زى ما وصيت ولا شفت حكمة ولا حشمة ولا سمعت وصيات لتوراه لموسى ولا تراتيل لانجيل عيسى . ولا تلاوة لقرآن محمد . انت ادتنى عنوان غلط ولا ايه .
قال ابو العفاريت...
يابنى ركز شويه قرب منهم واسمعهم وانا متأكد أنك فى الشرق . وعمل العفريت الصغير بالوصية فسمع فى البلد الواحد انجليزى وفرنساوى والمانى وحتى عبرى ولهجة كلها روشنة .
فسأل واحد من الناس.. قولى يابن آدم فى الزمن ده.. انت لغتك ايه انا أسمع ان لغتكم العربية .
قال ابن آدم .. انا لغتى فافى معرفش الكلام ده دور عليها في الاوساط البيئة ياى سبنى أروح لمامى . جود باى فقال عفروتو...
ورحمة من الله وبركاته ياابن آدم ..
يابه يا ابو العفاريت ... انت إدتنى عنوان غلط انا فى الشرق ولا ايه دلنى على الطريق وقولى إحنا فين قالوا ابو العفاريت بص كدة حواليك شايف ايه
قالوا .. شايف على مد البصر دشات وجهل على قد ما تعد وغنى فاحش وفى المقابل فقر قاتل وكبير بيدوس على الصغير وخناجر بتقطع في الارحام والسكير حر والمتعبد سجين وحرية ملعونة خلت البشر من غير هدوم والله يا ابو العفاريت انا واقف مكسوف بالرغم من اننا أصحاب الافكار إلا انها هنا فاقت الحد . لا يا ابو العفاريت اكيد انا لسة مادخلتش الشرق شوف لى الطريق كويس ...
قالوا ابو العفاريت ...
طيب بص تانى وركز معايا حقولك أوصاف لو ملقتهاش يبقى ارجع تانى بصُ فى أسيا هتلاقى مكان منور إسمه الحرم المكى ومسجد معظم إسمه الحرم النبوى .
قال عفروتو الصغير. فعلاْ صحيح موجود .
قالوا بص يابنى... كمان هتلاقى حرم شريف فى مكان قريب من السماء اسمه المسجد الاقصى عليه عراك ونزاع .
قال عفروتو .. موجود
قال ابو العفاريت... يبقى دى أسيا يا ابنى بُص كمان هتلاقى في افريقيا حضارة وكأنها دُرة مكنونة إسمها مصر المحروسة هبة النيل فيها ناس طيبين انا فى إيدى برديات مسروقة بتقول كدة ..
قالوا عفروتوا.... مضبوط يا ولدى .
فتعجب ابو العفاريت وقال .... اومال فيه ايه ؟! المشكلة فين ..
قالوا عفروتو .. المشكلة ان البلاد دى مش محتاجة لا بودرة عفريت ولا اسلحة .. الدخول لها سهل من غير دم ولا هم ولا تعب ولا بعزقة اسلحة . والله ده زمن عجب الناس هنا غفلانة وسرحانة ورا الحاجة بتجرى و شقيانة ومحدش حاسس مين القريب و مين الغريب . يا الله يا ابو العفاريت البلاد دى مش محتاجة مسير بالليل الواحد يمشى فى وضح النهار مهو محدش هيميز ابن آدم من ابن الجان إيه الهنا ده
بس ابو العفاريت واعى قال لإبنة ..
طيب يابنى ركز قوى ودقق قوى يمكن تشوف حاجة تانية استخدم نظارتك المكبرة شايف ايه..
قال عفرتو.. شايف إيد مسلم مع إيد مسيحى ماشيين.... اتجاه الحرم الجامعى . قالوا يا ابنى خاف منهم وحاول تفرقهم. .
قال.... شايف شوية ناس بتتردد على المساجد وحاملين فى ايديهم كتب ووثائق
قال.... خاف منهم دول عصابة إرهابية هنحربهم .. قال... يا والدى شايف ناس على خط النضال من فلسطين والعراق وافغانستان بيحاربوا الاعداء
قالو آه هنا خطرهم .... بس يا ابو العفاريت دول ازاى نهزمهم
قال.... . متخافش يابنى ...احنا بالاعلام بنضعفهم ونشوههم مادمنا فتحناها على البحرى يبقى مفيش من البشر قلق ولا هلع . الخوف من الباقى لو شاف وإتزن ومشى وراء العلم والدين والجهاد ومن بعد كدة سهلة ومهمتك مش محتاجة خوف وقلق ايه رايك ياعفروتو يا صغير وقتها طلع النهار ولقى العفريت الصغير انه لا حاجة للتخفى فالدنيا اصبحت عفاريت بتمشى فى وضح النهار
فقال لوالده . لا يا والدى انا كنت جاى عفريت أمريكانى علشان أأدى مهمة زى ( ريجان و كلينتون و بوش ) . فلقيت الامر مش محتاج مهمة صعبة وكدة إهانة يا ابو العفاريت . العفاريت الأمريكانى تقول عليه إيه واخد مهمه سهلة . لا ياولدى . انا عفريت أمريكانى غلط غلطه لما جه هنا وراجع تانى . عفـــــــروتـــــــــــــــو

هناك 4 تعليقات:

أحــوال الهـوي يقول...

الدنيا يا سيدتي لا تحتاج لوسوسة شياطين فشياطين الانس اكثر اغواءا و اغراءا من شياطين الجن
كل الوان الموبيقات قد زرعت و حصدت و اثمرت و اينعت حتي كثرت فاصبحت بلا ثمن مجانا و لا تحتاج لمجهود للحصول عليها
و الهجرة الي الله هي ما ننشده للهروب من فيض الغث و من درن الذنوب

قال صلى الله عليه وسلم: العبادة في الهرج كهجرة معي. رواه مسلم

تحياتي

أحــوال الهـوي يقول...

أمل فتحى عزت
عزيزتي
من اعظم و اروع و ابلغ ما قرات
لو كنت منصفا لقلمك لاخذت ما كتبت و اودعته مقالا يزين مدونتي و يعطي الفرصه للجميع لقرأة تعقيبك الثري

تملكين قلما معبرا قديرا ينساب بالكلمات كدرر نفيسه

تحياتي

Soul.o0o.Whisper يقول...

أمل فتحى عزت

أولا : أنا اللى يشرفنى زيارتك دايما سواء من ن أو عالمك و الهجرة
فتعليقك شئ أعتز به

بس أنا يعنى مش شاطرة أوى
بس كنت باحب شغل الميكروسكوبات
و الشرايح جدا جدا
و كنت بأظبطها لصحباتى
تفتكرى فى علاقة ؟؟؟
:)


حقيقى تعليق حضرتك بيضيف ليا كتير
و هأنتظر منك بقيت الحكاية و النتايج
و كمان بقيت تعليقك على البوست


ياااااااااااااه
25 سنة ؟؟.. ما شاء الله
الظاهر حضرتك قديمة فى المضمار
خبرة يعنى ... :)
حقيقى سعيدة بتواصلك
و أتمنى أنى أكون على قدر الاهتمام اللى بتعطيهونى
لأنى مقصرة جامد
بس بإذن الله على العيد أكون ظبطت أمورى كدا

دعواتك


على فكرة
بوست حضرتك دا رائع جدا...
فعلا ، بئا الشر و الفساد و كل مالا يمت لنا بصلة هو السائد و المرئى للوهله الأولى

فعلا عاوزين عدسات مكبرة عشان نعرف نشوف شئ يحسسنا إننا جوا بلدنا

لكن بردوا ....إن الله متم نوره ولو كره الكافرون

لى عودة لـ ن قريب



خالص تحياتى

أحــوال الهـوي يقول...

السلام عليكم
كل عام وانتم , والاسرة بخير ..بمناسبة عيد الاضحى المبارك ..أعاده الله عليكم و علي المسلمين بالخير والبركات .


تحياتى