يا طيبة

الى حجاج بيت الله الحرام الى من خرجوا لأداء فريضة الحج رغم التحذير من المخاطر الى كل من خرج وقلبه يهفو الى مغفرة من الله وعفوا خرجوا من ديارهم قاصدين بيت الله الحرام ( لبيك اللهم لبيك ، لبيك لا شريك لك لبيك ، إن الحمد والنعمة لك والملك ، لا شريك لك ) ,

أهديكم هذه الانشودة .

الله أكبر ، الله أكبر ، الله أكبر * لا اله إلا الله وحده لا شريك له ، له الملك وله الحمد وهو على كل شىء قدير ‘ آيبون تائبون ‘ عابدون ساجدون ، لربنا حامدون ، صدق الله وعده ونصر عبده وهزم الاحزاب وحده *

كل عام والنتم بخير .

جل الله فى علاه ما لنا رب سواه

فى ظل ما يحدث فى العالم من اضطربات .. حروب وتهجير وصراع .. أمراض زاحفة علينا من كل مكان أوبئة وطواعين مبهمة نجد أنفسنا نفر من كل شىء الى الله .

هنا أهديكم هذه المناجاة .

لا اله الا الله .. جل الله فى علاه ما لنا رب سواه

اول قبل الوجود اخر بعد الخلود

مطلق عن الحدود واجب له السجود

جل الله في علاه مالنا رب سواه

رب واهب الحياه مجري الريح والمياه

فاضت بالندى يداه طوبى للذي هداه

جل الله فى علاه ما لنا رب سواه

يا طنطاوى يا أبهة .. ايه العظمة دى كلها

يا شيخ طنطاوى كفاية فضائح وانت فى برنامج البيت بيتك تستند الى كتب تحرير المرأة فى البت فى الامر الشرعى ويكفيك فخرا ان غالبية الصحف الاجنبية بما فيها إسرائيل تناقلت فعلتك وتطاولك على فتاة منتقبة صغيرة وإجبارها على خلع النقاب ومازلت مُصر على ان النقاب عادة وليس عبادة .. وبعدين ايه حكاية معرفش دى ؟ كل ماحد يسألك سؤال .. باقى ايه ياشيخ الازهر تدرس قرار اعتقال المنتقبات فى البلد كان الابدى ان تدرس من وقت مضى لماذا تزايد ارتداء النقاب وانت تعلم بأن غالبية من اتخذ هذا الاتجاه استند الى ما رآه واجبا من نص الكتاب ومن أراء الائمة وان لم يكن الكل فمنهم من قال انه واجب ومنهم من قال انه مستحب ولم يقل أحد بأنه بدعة أوعادة يا شيخنا ؟؟
انت ترى من خلال حديثك بأن الناس ترى انها على علم أكثر من شيخ الازهر ونسيت انك بشر ومن الناس وانك معرض للخطأ ام انك نصبت نفسك واسطة بيننا وبين الله باقى ايه يا شيخنا .. تمنحنا صك الغفران ؟؟

إطمئن يا شيخ الازهر نساء مصر يمتلكن قلوب يقظة وعزيمة أقوى من أى قرار المرأة المصرية المسلمة إن آمنت تحتضن الاسلام تسهر ولا تنام ولا تغفل عن مراعاة كل حد فيه ويكفيك انك أضعت حقوق المسلمات فى الخارج فى الدفاع عن العفة وأضعت حق الدكتورة مروة الشربينى التى راحت ضحية للحجاب وراحت ضحية للطهر والعفاف ..
يا شيخ الازهر نحن نطالبك بتفسير آيات القرآن الخاصة بالحجاب ككل فى مواضع مختلفة من كتاب الله اخرجوا الى الناس بتفسير منطقى بدل التخفى وراء تصريحات من وراء الجدران سيبك من كتب تحرير المرأة واختلاف الاراء وأمسك بكتاب الله هكذا أمرنا الله أن نأخذه بقوة .. لله الامر من قبل ومن بعد .

إضافة .. الان على هذه المدونة

http://nononlin.blogspot.com/2009/10/blog-post.html

انا بضحك من قلبى ياجماعة .. مع انى راح منى ولاعة

هى دى حقيقة مشاعرى .

فبعد زيارة أوباما الى القاهرة وخطابه كرجل سياسة واقتصاد ومدير مؤسسات وعلاوة على ذلك رجل قانون ( على فكرة اوباما مذاكر تاريخ النظم القانونية كويس جدا وشاطر فيها ) علشان كدة شمل التاريخ كله فى غمضة عين .. وكل الذين كانوا فى قاعة الخطاب شهدوا له بأنه كان ساحرا يخطف القلوب عكس بوش الغبى (دا من وجهة نظرهم ) كمان بوش كان جاهل كل قرآته كتاب للسحر ميراثه من جده الظاهر ان بوش بالكتاب ده كان سبب فى عفرتة العالم .. مش عارفة ناس كتير كانت حاسة ان الحياة مفيهاش بركة والناس بتتخانق مع كل حاجة حوليها حتى نفسها .. ومتعدوش الجرايم كترت .. والجنان كتر .

ده مش معناه ان بمجيىء اوباما ان العفاريت حتختفى والناس هتعقل والرخاء هيعم .. ورغم ذكاء الرئيس اوباما الشديد الا ان المصريين لم يفوتهم شىء من زيارة اوباما تقريبا ( فلوه ) لحد الشراب اللى دخل بيه الجامع اعترض البعض انه كان لازم يدخل حافى ويخلع الشراب وعلق المصريين فى بعض الصحف ان زوجة اوباما لم تأتى معه لأن الاولاد عندهم امتحانات واحنا فى مصر عطلنا الجامعات والسكك بس نسينا ننظر لشىء ايجابى ان اوباما حب يقول رسالة لنا بالرغم من انه رئيس اكبر دولة فى العالم الا ان اولاده لازم ينجحوا بمجهدهم وبعلمهم مش بمحسوبية ابوهم لأن الغش هناك فى الدراسة ممنوع ... ويمكن ده من احد اسباب تقدمهم واتقان اعمالهم.

ولكن قال البعض لالالالالالالا .. دى مراة اوباما مرضتش تيجى الزيارة لأنها غيرانة من هيلاري كلينتون لأنها بيضاء وزى القمر .

دى اراء بعض الناس البسيطة وهما مقتنعين انهم بيشركوا فى السياسة .

تعالوا لأخطر نقطة فى الموضوع .. اوباما عندما تحدث عن المرأة الفقيرة التى تحتاج الى الدعم المادى وخاصة المعيلة وانه سيتم تمويلها بما تحتاجة . (من امريكا طبعا )

فجأة وبدون مقدمات لقيت الاعلام اتوجه الى المرأة الفقيرة اللى كانت منسية وتحت الارض مخفية طلعت فى التليفزيون فى برامج مختلفة يقول لها المذيع او المذيعة تحت امرك قولى طلباتك .. تقوم تقول انا ساكنة تحت الارض مريضة بكل الامراض عايشة بلقط رزقى من بيع العيش أو عمل الصابون السائل أو مسح البلاط وعندى زوج مريض وأورطة عيال وعاوزة اعيش .

وطبعا وهى قاعدة مثلا فى برنامج 90 دقيقة او غيره الكل محترمها ومهتم بيها .. بعد ايام وجدت نفس الحال فى اكثر من برنامج .

يادى الفضيحة بنتسول بأحولنا .. وطبعا عفريت الفانوس اللى هيلبى طلبات المرأة الفقيرة هو صندوق الدعم من امريكا . طب احنا كنا فين طول السنين دى من المرأة الفقيرة .. مين اللى بيسعدها .. معونة الجمعيات الخيرية وفتافيت المساعدة .. مين اولى يا ناس مناخير ابو الهول اللى اتصرف عليها ملايين لترميمها حتى الان ولا المرأة الفقيرة والعجزة والايتام والمستشفيات الميرى الى المرضى فيها بيتعذبوا من قلة الامكانيات .. الحقنا يا عم فشكووووووول

التسول عندنا بقى عينى عينك . تعرفوا انا عاوزة اقول ايه دلوقتى معنديش غير الكلمات دى لصلاح جاهين .. اقراؤها معى وتأكدى بأن عينى تذرف الدمع الان على مصر .

شيكا بيكا وبوليتيكا .. ومقالب أنتيكا
ولا تزعل ولا تحزن .. اضحك برضه يا ويكا
ها ها ها ها .. ع الشيكا بيكا !

أنا بضحك من قلبي يا جماعة ..
مع إني راح مني ولاعة !
وبطاقتي ف جاكتة سرقوها ..
وغتاتة كمان لهفو الشماعة !
بئيت أرجف .. م السقعة ..
لكن بضحك !
الضحك ده مزيكا ..
كهربا علي ميكانيكا ..
اضحك ع الشيكا بيكا ..
ها ها ها ها .. ع الشيكا بيكا !

أنا راح مني كمان حاجة كبيرة ..
أكبر من إني أجيب لها سيرة !
قلبي بيزغزغ روحه بروحه ..
علشان يمسح منه التكشيرة ..
ادعوله ينساها بئا ويضحك ..
الضحك ده مزيكا ..
كهربا علي ميكانيكا ..
اضحك ع الشيكا بيكا ..
ها ها ها ها .. ع الشيكا بيكا !

هتقولي الشيكا بيكا ايه هي ؟
هي الحركات اللي مش هية ..
الفرقة .. والحرقة .. والغرقة ..
والزمبة ف البومبة الذرية !
فبدال ما نطأ يا ولا ..
لأ نضحك !
الضحك ده مزيكا ..
كهربا علي ميكانيكا ..
اضحك ع الشيكا بيكا ..
ها ها ها ها .. ع الشيكا بيكا!

أعتذر

أعتذر عن التأخير نظراً لتأخرى فى طباعة هذه الرؤية التى أعلنت عنها وذلك بسبب ضيق الوقت وكثرة المشاغل وفترة الامتحانات
وسوف أقوم فى أقرب وقت لأنهاء العمل .
تقبلوا خالص تحياتى .

قريباً

مولد الدسوقى والصوفى خليل
بقلم / أمل فتحى عزت

اللوحة من أعمال الفنان / طه القرنى

أعتذر

السلام عليكم ورحمة من الله وبركاته

الى كل المدونين الكرام وكل من أتابعه ويتابعنى من خلال المدونات

أشكركم جميعا على متابعتى واستسمحكم بالتوقف لفترة إن شاء الله لن تطول بسبب عطل جهاز الكمبيوتر لدى وتوقفه تماماً ولحين الانتهاء من هذا المشكل سأتوقف لبعض الايام عن المشاركة فى مدوناتكم الممتعة ورغم أننا فى وقت لا يجب أن نتوقف فيه يوما واحدا عن التدوين فى هذه الاحداث الهامة .مع خالص تحياتى